راس من روس الحلافات عون المستجير شيلة ترحيبيه بأسم آل عبدالله بن مقيليب الحلافي Tunisia

راس من روس الحلافات عون المستجير🔥🔥 شيلة ترحيبيه بأسم آل عبدالله بن مقيليب الحلافي كلمات فايز منيش الحلافي أداء نجم الفلكلور فهد القرني كلمات القصيدة ________ الموال : ارحبوا يا ضيوفنا بـ اغلا التراحيب الجزيله في محل عيال عودن نفتخر فيه ونماري ارحبوا ترحيبن اصدق من هماليل المخيله ما تقول الا رواه الترمذي عن البخاري ال عبدالله بن مقيليب من روس القبيله اسمهم في صفحة التاريخ له سمعه وطاري …….. والله ان لي عدة ايام نفسي نفس طير كل ما غنيت لي بيت مابغى اكمله والله اني عايف الشعر في الوقت الاخير يالله عطني صبر على السنين المقبله القصيد يخلي الشاعر المبدع .. اسير يسجن الرجال من دون قيد وسلسله والعرب تبغى من الشاعر الشي الكثير وسيرة الشاعر مهمه مثل مستقبله كان ما حاز النواميس من عادة صغير والله ان يكبر ما يعرف دروب المرجله انا شاعر ما يخوفني البحر الغزير لا كتبت .. اكتب من الشعر اعزه واجزله والمقام الي كتبت القصيده فيه غير فيه يا زين المعاني وضرب الامثله ارحبوا يا ضيوفنا من لسان ومن ضمير عندنا للضيف قدر ، ومكان ، ومنزله مرحبا بالعاني وبالرفيق وبالقصير والقبايل كل رجالن يمثل هله الدلال الشقر والعود وفقار البعير والعوايد الاوله والمذاهب الاوله في ضيافة راعي الطيب والفعل الشهير ابن عبدالله مقر الجميل ومدهله يا علي حنا حزامك ودندن يالامير كل ابونا نعشق الفزعه المستعجله انت واخوانك لكم عندنا قدرن كبير بيننا باب الرفق ، والعنوه ، والصله وبوكم الله يرحمه راس عودن فيه خير سيرته مع زحول الرجال اتجمله اشهد انه يجمل ان قابل الجمع الغفير وان تقدم في كبار المهمات … ازهله راس من روس الحلافات عون المستجير لابتن فـ الجهل مثل الرياح المرسله ربعي اهل الطيب والمدح والسيف الشطير محزمي يا جعلني ما اتحزم بـ بدله عزوة الشيخ ابن خبزان لا صاح النذير نطرح اكبر فارس ووننطح اكبر مشكله يوم بقعاء في الاوادم رحاها مستدير ما خذوا منا المعادين قيد الانمله كل عام وربعي بخير والدولة بخير وكل عام الطيب منّا وحنا من هله

Category