خالد ال بريك & ان وقع الدكتور طيب سلامات 2023 حصرياً Tunisia

إشترك وفعل التنبيهات في قناة المصمم الــــسـاطــي الرسمية للحصول على الجديد طلب التصميم رابط الواتس مباشر 👇🏻‬ ‏https://api.whatsapp.com/send?phone=966502583003 تصميم الساطي - القناة الرسميه سنابي حياكم الله شرفوني ‏https://t.snapchat.com/9VnVuhou #الساطي #خالد_ال_بريك ياتركي اخذ أوراقنا والجوازات .. واحجز لنا موعد لفحص الحرارة لوكان مابه للكرونا علامات .. نمشي حسب اوامر اهل الوزارة وان وقع الدكتور طيب سلامات .. حط الورق فالدرج وسط الغمارة وتفقد الموتر زيوت وغيارات .. عبه خصوصي فل وافحص اركب وهيا يازبون الملمات .. ادعس وانا  خابرك سواق طارة وان جيت حد المملكة مد الإثبات .. خرج وخذ صوب اليسار استدارة خمسين كيلو بالعدد والحسابات .. ناظر على يسراك شيشة خسارة ازهم على قوقل دليل المسافات .. نبيه يعطينا من العلم شارة أكتب بقوقل ماب راعي الثقيلات .. ويجاوبك معروف بيته ودارة قل ايه ياقوقل صنيع الخواجات .. وجه على بيت السطر والنعارة اركه على الطبلون يعطيك اشارات .. يحدد الدرب الصحيح ومسارة ولا تنشغل فالدردشة والسنابات .. خلك على ماقيل ضابط خفارة احذر من كبار الحفر والمطبات .. واحرص على ساهر لا يعطيك اشارة وان شفت حسكات الوبر فالملفات .. لبق يمين الخط والا يسارة عطها اولوية في عبور المسارات .. الأولوية  قسمها والصدارة البل عطايا اللي عطاياه جزلات .. هي الغناة وراس مال التجارة تقطع تهاتيه الديار الخليات . . من غير لا رخصة ولا باستمارة وقف نصلي لا تفوت الصلوات ..  قبل المساء يسدل علينا ستارة باقي على مشوارنا ست ساعات .. مع تساهيل الولي واختيارة وتشوف دار مطوعين الصعيبات .. أهل الوفا وأهل الكرم والسطارة تزمي كما تزمي جبال السراوات .. جنوب غرب من ديار السدارة ماهو ب من طول الحجر والبلكات .. ولاهو بتخطيط وشوارع  وانارة تطاولوا بالمرجلة و البطولات .. و المركز الأول خذوه بجدارة الفارقين النادرين  البشاوات  ..  أهل العلوم  الطيبة  و تاريخهم ماهو بيحتاج لإثبات .. يكفيك عن طول الكلام اختصارة ان جيتهم ف اقلط على طيب الذات . . ابوفهد مكرم خويه وجارة تلقى الدلال اللي على النار مركات .. والعود الازرق يطبخ في وجارة سلم وعطه إعلومنا قبل الأبيات .. جينا ومقصدنا سلام وزياره الله يديم افراحكم والمسرات .. و الله  يجنبكم  عذابه  ونارة وختامها صلوا عدد فايت فات .. واعداد من صلى صلاة استخارة على النبي ازكي سلام وتحيات .. عد السحاب وعد رمل الزبارة

Category